الحور العين
مشرفة على قسم الشعر والنثر والخواطر
عدد الرسائل : 20
العمر : 30
بلدي..!! : 
اوسمتي..!! : 
تاريخ التسجيل : 20/07/2008
 | موضوع: الحلم - حامد زيد  السبت يوليو 26, 2008 11:04 pm | |
| بسم الله الرحمن الرحيم
السلام عليكم ورحمة الله وبركاته
أقدم لكم هذه القصيدة للشاعر حامد زيد
الحلم
بوقت من البطاء .. وبليل تتراقص شياطينه
بعد شفت الضياء.. ينزع من ثياب المساء ثلثين
تحايلت المنام.. اللي مثل بيتك تمرينه
وأنا اللي من تفارقنا.. وأنا ما غمّضت لي عين
غريبة كل حلم يمر.. برقادي تزورينه
والاغرب..كيف أحلم الحلم.. وارّجع وأحلمه بعدين؟
قبل يومين شفتك بالمنام.. وقمت من حينه
ونمت امس ورجع.. نفس المنام اللي قبل يومين
أنا اللي قبل اسافر.. شلت قلبي من شرايينه
تركته في يدك مثل الأمانة .. وأحفظيها زين
ترى حفظ الأمانة دين..مجبورة تردينه
أجل مافيه احد قد قال لك .. حفظ الأمانة دين ؟
مردّ المقّفي بيلّفي..ويستوفي وتوفينه
بعد ليلة..ثلاثة.. أربعة..عشرة.. شهر.. شهرين
إذا انتي ماانتي بقدّ الكلام اللي تقولينه
حرام أستامنك حاجة واذا جيت .. اطلبك تنسين
تخونين وتبين أرضى.. وأحد يرضى تخونينه؟
أنا لاجيت اخونك .. مع حبيبة ثانية"ترضين"؟!
من أول ما رجعت من السفر ما شفت لك بينه؟
وأنا اللي كنت احسبك قبل ادوس ارض المطار.. تجين
تكونين انتي اول شخص.. تحتضن عيني عينه
وكنت اتخيلك من زود فرحة رجعتي.. تبكين
وأشوفك بدمعتك حكيك.. وأعرفه قبل تحكينه
واجيب احلى من اللي بتحكينه.. وأتركك تحكين
تقولين: الوطن نوّر..وأقول: بنور مضوينه
تقول لي: غديت احلى وأقول: عيونك الحلوين
كلام نام بشفاهك وخفتي لا تصحينه
ذخرتيه لغرام اللي ينام.. ويتركك تصحين
تغانمتي غيابي لين رجّحتي موازينه
تعلّم من يدك لمس الكفوف .. وعلّمك تجفين
وليتك لاقية به شي..فيني ماتلاقينه!
مهوب غرور.. لكن خابرك .. مالك أمل تلقين
تغافلك بغلا.. وإلاّ الحلا مهوب من زينه
تزيّنه الصّور.. بس الصحيح ابن الحلال "زوين"
وانا مانيب ناقصٍ عنه.. يوم أنك تبدّينه
نصيبي هو نصيبي.. لو يسدّدها من الصوبين
قنوع بمظهري.. والسم ما يذبح ثعابينه
على قول المثل "ماني حلو.. لكن ماني شين"!
إذا أهداك الزهر مرّة ..فانا اهديتك بساتينه
وإذا الهاك بفرح ليلة.. فانا تهت لبكاك سنين
وإذا أستضعفتك أملاكه.. وشتّتك ملايينه
أنا حتى فتات الخبزة .. أقسمها معك نصين
طموحي بس أجي وأظفر.. بشيٍ تستحقينه
تديّنته ..تسلّفته ..سرقته.. مو مهم ..منين ؟
كأني من كثر ما ارضى ..بكل اللي تمنينه
لو أنك تطلبين الله.. يعنيني بقول: آمين!
أنا ما العب على الحبلين ..وقت الطيش وسنينه
تبين الحين ..يوم أني كبرت ألعب على الحبلين؟!
ترى عند البدو.. بالذات عيب اللي تسوينه
حلاتك لا عشقتيني.. تعشقيني ليوم الدين
حرامٍ نسكن ضلوعه .. حشيمة من مجانينه
جفا يجمع معزتنا.. ولا عشقٍ يذل اثنين
كثار اللي تحدّوني .. وقالوا لي تحبينه
أمانة.. لا تخليني صغير بعينهم " تكفين"
لأني كل ماقالوا: "تخون"..أقول: مسكينه
عليك الله وأمانه.. علّميهم من هو المسكين
أنا خايف لا طاح الجمل .. تكثر سكاكينه
وأنا ماعاد بضلوعي.. مكان لطعنة السكين
مثل ما قالوا: المكتوب .. واضح من عناوينه
لو ارحل منك للغربة.. باأسافر من ظلامك وين؟
كفايه كل حلم.. يمر برقادي تزورينه
كفاية من تفارقنا.. وأنا ما غمضت لي عين
قبل يومين شفتك.. بالمنام وقمت من حينه
ونمت أمس .. ورجع نفس المنام اللي قبل يومين
منقوووووووووول | |
|
THE BOSS
مشرف على قسم النكت وقسم القصص والروايات
عدد الرسائل : 313
العمر : 31
الموقع : www.soqoorjeddah.mam9.com
بلدي..!! :
اوسمتي..!! : 
تاريخ التسجيل : 02/05/2008
| | موضوع: رد: الحلم - حامد زيد السبت يوليو 26, 2008 11:14 pm | |
| مشكورررررررررررررررر!!!! قصيده مرا حلوه!!!!! الله لا يحرمنا من جديدك!!  | |
|
الإمبراطور الكاسر
مدير المنتدى
عدد الرسائل : 334
العمر : 31
بلدي..!! :
تاريخ التسجيل : 10/04/2008
| | موضوع: السنترال السبت يوليو 26, 2008 11:22 pm | |
| شكراً على القصيدة الرائعة | |
|
THE BOSS
مشرف على قسم النكت وقسم القصص والروايات
عدد الرسائل : 313
العمر : 31
الموقع : www.soqoorjeddah.mam9.com
بلدي..!! :
اوسمتي..!! :
تاريخ التسجيل : 02/05/2008
| | موضوع: رد: الحلم - حامد زيد الأحد يوليو 27, 2008 6:52 pm | |
| مشكورررررررررررره على الشعر الجميل!!!
صج السانك!!! الله لا يحرمنا من جديدك!!! | |
|
